Денес слави роденден нашиот нов член – Коста Манев

Коста Манев е екс македонски репрезентативец, со дузина одлични партии на клупски и репрезентативен план и може да се пофали со игри во завршниците на клупски и репрезентативни кугларски настани од каде што има бројни одличја.

Тој потекнува од кугларска фамилија во која завидна кариера има и неговиот брат Тодор како и внукот Бранко кој сега игра во хрватски Запрешиќ, а голем дел од својата кариера и Коста ја мина во Хрватска, земја каде овој спорт се игра на високо професионално ниво.

Бидејќи Коста сеуште е навистина квалитетен играч, нашиот тим добива сериозно засилување и кандидат за нов репрезентативец!

Пред да ни се придружи во КК Вардар, Коста играше во Поштар-Сплит и во Шибеник а плодната децениска кариера која тој ја носи зад себе ќе го подигне целокупниот квалитет на нашиот тим и на македонското кугларство целокупно.

Коста веќе ги има носено вардаровите бои и има историја во нашиот клуб а станува збор за настапот со тимот на КК Вардар ГТЦ.

Добре дојде дома Коста!